忍者ブログ
29 March

[PR]

×

[PR]上記の広告は3ヶ月以上新規記事投稿のないブログに表示されています。新しい記事を書く事で広告が消えます。

24 January

Popping Corn


好野,好耐無打XD
前兩日朋友從日本來探我,吃多左好多…so guilty。
加上開始覺得,如果我再唔打波,可能我到下年都仲補緊今年既野。所以死死氣打一兩篇。

爆爆谷,今個月有少少窮所以買左一包唔記得$20定$25的爆谷豆爆。
希望可以食死自己XD

sauce我用左三個不同的recipe,整左5次左右,最後自己發明左一個新食譜。
保證口感,味道全部一流XD 但我無寫低,已經唔記得左…

就係咁。

依篇係預左呃POST架,唔好咁高要求XD

拍手

PR
18 January

Brunch Club

Wow. 今日看看DC仔發現我有好多BLOG貨存,有排打 XD
通常發生依D悲劇我都會選擇扮無睇過,反正無人知我無打。
實不相瞞,其實我打blog,係用Siri語音打字,我係完全唔使掂個鍵盤架XD

科技進步係會令人變成一個asshole。

一講起依樣野,我又可以打篇論文。不過我都係會用Siri囉!

其實呢篇野,我應該早就要打…事關同我食嗰個人,都已經返左去英國。
當佢再次展開自己讀書旅程,努力不懈,含辛茹苦,堅忍不屈,前程錦繡的時候,
我就係到忙裏偷閒,扮唔得閒,染髮焗油,姿姿整整,好食懶非,一篇日記都冇得交差。

我真係一個好人。

講番個日,實在係一個外出既好日子。
個到員工態度比較消極,不過我一向唔講究,應該係無所謂。
因為某情度上我覺得出街食飯依個行為,我只不過係一個有帶錢既乞衣XD
決定比唔比我食,係店方。



童軍花,每次都會令我諗起Patrick Cox。初中個時都興過一排,我都曾經想要。
以前邊有錢丫!頂!講野咩!有錢我都拎左去食野。
現在對於童軍花印象只有CH某條好L抵買的pendant XD


 


野食好味道~PASTA好味道~雖然唔係我食。

拍手

13 January

妖狐×僕SS- 渡狸卍里

星期日受朋友教唆,出了SS。我自己都好驚訝 XD
我個日的happening可以用一句句子形容哂「Very青春,less化妝,記性/Zero」

我去私影但無帶閃光燈電池同鏡頭,但有相機同閃燈本體囉
真係好頂自己唔順。自己係心裡面DIY左8聲左右。
當日媽媽去左打麻雀,爸爸去左公益金博命行…我妹同我一齊出緊COS
心諗無人教到我依個粉人之際我爸爸來救贖我\(^O^)/!!!! THANK YOU!!!

仲帶左枝永遠唔會比我玩的鏡王來,所以今次影的相都異常地好睇XD
當然多得CAMERA MAN了解我,有時個MAN手勢幾好器材幾正都無用,我天生三尖八角難就角度
只有KINO明白我 (單哂眼咁)


好多可以用既相,wow! much many! amazed.
第一次出青春角色,睇SS時只是「啊,幾可愛丫條友hehe。」就完既角色,我竟然出左。
COS真係好濫既一件事!!
不過可以同J,老妹同新朋友拍照,感覺很出奇and新奇XD 釘S,又係一個美好回憶。

另外其實我仲有好多波可以打,不過我實在太忙最近。(我終於過番幾年前的リア充生活!!)
我打算看看聽日可唔可以早起身打埋佢。

拍手

06 January

142013

星期六是爸爸生日 \(^o^)/ happy birthday!
放工後一家人去吃了德國菜慶生,永遠的食堂King Ludwig Beerhall。
我通常是去尖沙咀店但由於尖咀店太多吃煙人士&去到好似氣氛上迫住要high,
但我成家人基本上都熱愛扮COOL所以去無咩人的灣仔店 XD



安定的VELTINS!
啤酒喜歡Stella和Suntory Premium,Veltins都喜歡



OMG農夫包!我基本上為左以上這個包來吃飯,但今次吃唔知點解覺得麻麻地。
唔緊要啦,我會再去食XD 下次記得整得好食D
本身想要埋Pretzel但家人應該會覺得唔好食,所以只好下次自己去食 :- |



之後腸



豬手



Ribs

一家四口黎講,依個肉食量簡直直迫快樂的美國人 (的一半) XD
我個人好梁,最喜歡都係腸。
豬手都好食但我依D妹仔胃喜歡食加工野,又方便食。



最後蛋糕,我都知依個角度好怪。其實依張圖背後都有段故,但我唔想做講故佬。
總之就係點火時成家扮冷靜,之後個Cheap CG fire就熄個時齊齊先話要影相XD

Alaska依味野我一向不歡喜,因為通常都會比難吃雪糕我,但這個都算唔錯
有酒香有nuts味,雪糕是不好食的,但balance同頂頭個龍珠果比番d分XD
份量都幾大,一個人都要食得幾多。
由其我媽媽係一個背叛者人渣,成日扮滔滔淨係食一啖。搞到我地戰力大降,妖~

年年爸爸生日我都會買枝好既紅酒一齊乾左佢,今年我唔記得左啊我係不肖子 :-<
下年一家人生日應該無得一齊過喇,好感觸突然。

拍手