24 February can't nothing bring me down 最近的快樂指數太高，高到連我自己也覺得應該是吃了白粉XDDD 這快樂是來自奧運，來自美好的音樂，來自好吃的食物，來自很多很多的東西 很喜歡這個世界，有太多美好的東西。 每次為夢想努力而成功的人，我就好想為他哭呀呀呀呀呀呀呀這些人最棒了 此歌最能表達我的心情XD 好吧說回上星期四的晚上。 那天跟一個闊別年半的管家聚舊，本來說吃Pasta和甜品算了 後來不知道為甚至發展到去吃土耳其菜？....不過兩人也是吃貨所以當然沒問題了，非常好。 當天的餐廳很黑所以都是亂拍的，我有一點怕黑+夜盲所以我有時連管家的臉也看不清(;´ρ`) Mango Yogurt Smoothie，是Mango Lassi XD 我很迷芒果，而這個很好喝。 Eggplant Pate Pita Bread 我很喜歡這個Pate，很輕身而且份量剛剛好。 本日最喜歡的Avocado and squid salad dressing感覺剛剛好，是喜歡的味道而且squid也grill的剛剛好很軟。 本來擔心的硬avocado也沒有出現，是很好吃很熟的牛油果。好開心( ´∀｀) Toothpicks Lamb 完全會因為碟上的牙籤數量暴露了自己吃了很多的真相。 這是本日最爛的相片XDDD 是牛舌。很厚每一件受熱不太平均，我第一塊是很軟的之後都很硬。 最後Main dish完全沒有拍照，是Ribs來的有點太肥了但米飯不錯。 這家餐廳期間還有肚皮舞看天啊我好喜歡看喔是女人喔媽的很好看 但我坐太近最後她走過來我只能看著她的肚臍是哪招。 你這是小看我嗎？ 之後聊了很多很多，感覺大家也不同了。但我對於一見面就很大力踏到管家的腳表示無悔意。 後來因為尖沙咀沒有好吃的甜品＋時間太晚只好兩人到MK吃。 結果一坐下就有很大個馬頭對著我。這是叫我出STEEL BALL RUN的哲示還是.....？ Mango + Strawberry Rose Tea. 沒錯我又叫Mango了 (順帶一題之後那天肚天不舒服了) *(我對芒果有少許敏感) Lemon Custard Crepe+Yogurt Ice-Cream 名字亂改的。我忘了。 這個不錯我滿喜歡的。可能是因為我太喜歡那些脆脆ww 這天感覺滿奇妙的因為沒見很久了，而且事前其實發生過一些不愉快的事， 所以以為以後都沒機會見了，但是竟然如此美好地可以再開始實在是太好了。 對於這方面也許我太被動了，所以真的很感謝管家邀請我吃飯(つд⊂) 有「啊就這樣就GAIN了一個好吃友」的感覺XDDD 希望下月再去吃貨XDDDDD PR
24 January Pizza Express 之前係Pizza Express見到有個Cheese Dip，聽上去好好味價錢又不貴，立即call了kino出來食。 後來發現左原來又一城Pizza Express是貴過APM的，無天理！ 話說Pizza Express，我很久之前吃過一次覺得好難食又貴後，就無再食過。 雖然上年日本友人來港時，行到好累，再求其食過一次，但都是唔好食。 不過人係會重複犯錯的。 本身想過去吃二人餐，但二人餐是無野岩食的。 無再強求只好散叫，一開波就是一個奇奇怪怪的caesar salad，我可以唔要Parma可以唔要包。 但可不可以比多少少菜我…？：（ Gnocchi，說好的blue cheese味呢?!!!! 好似普通carbonara一樣，有少少失望，但其實okay，gnocchi不夠mushy之外味道沒大問題。 之後食我本次目標，cheese bread dip。 食完第一啖之後感覺是「？！？！？！？！！？！？！？！？？！？？！？」 口感零分，味道負分，哭崩長城。 可以去M記買個豬柳蛋，是一樣味的！100%一致。 其實些時我已經覺得自己呃左kino出來…但只好頂著頭皮講算啦，幾得意丫… Pizza Margarita 我從來未食過咁難食既pizza，港元。 總結：Pizza Express，DIY。
18 January Brunch Club Wow. 今日看看DC仔發現我有好多BLOG貨存，有排打 XD 通常發生依D悲劇我都會選擇扮無睇過，反正無人知我無打。 實不相瞞，其實我打blog，係用Siri語音打字，我係完全唔使掂個鍵盤架XD 科技進步係會令人變成一個asshole。 一講起依樣野，我又可以打篇論文。不過我都係會用Siri囉！ 其實呢篇野，我應該早就要打…事關同我食嗰個人，都已經返左去英國。 當佢再次展開自己讀書旅程，努力不懈，含辛茹苦，堅忍不屈，前程錦繡的時候， 我就係到忙裏偷閒，扮唔得閒，染髮焗油，姿姿整整，好食懶非，一篇日記都冇得交差。 我真係一個好人。 講番個日，實在係一個外出既好日子。 個到員工態度比較消極，不過我一向唔講究，應該係無所謂。 因為某情度上我覺得出街食飯依個行為，我只不過係一個有帶錢既乞衣XD 決定比唔比我食，係店方。 童軍花，每次都會令我諗起Patrick Cox。初中個時都興過一排，我都曾經想要。 以前邊有錢丫！頂！講野咩！有錢我都拎左去食野。 現在對於童軍花印象只有CH某條好L抵買的pendant XD 野食好味道～PASTA好味道～雖然唔係我食。
06 January 142013 星期六是爸爸生日 \(^o^)/ happy birthday！ 放工後一家人去吃了德國菜慶生，永遠的食堂King Ludwig Beerhall。 我通常是去尖沙咀店但由於尖咀店太多吃煙人士＆去到好似氣氛上迫住要high， 但我成家人基本上都熱愛扮COOL所以去無咩人的灣仔店 XD 安定的VELTINS！ 啤酒喜歡Stella和Suntory Premium，Veltins都喜歡 OMG農夫包！我基本上為左以上這個包來吃飯，但今次吃唔知點解覺得麻麻地。 唔緊要啦，我會再去食XD 下次記得整得好食D 本身想要埋Pretzel但家人應該會覺得唔好食，所以只好下次自己去食 :- | 之後腸 豬手 Ribs 一家四口黎講，依個肉食量簡直直迫快樂的美國人 (的一半) XD 我個人好梁，最喜歡都係腸。 豬手都好食但我依D妹仔胃喜歡食加工野，又方便食。 最後蛋糕，我都知依個角度好怪。其實依張圖背後都有段故，但我唔想做講故佬。 總之就係點火時成家扮冷靜，之後個Cheap CG fire就熄個時齊齊先話要影相XD Alaska依味野我一向不歡喜，因為通常都會比難吃雪糕我，但這個都算唔錯 有酒香有nuts味，雪糕是不好食的，但balance同頂頭個龍珠果比番d分XD 份量都幾大，一個人都要食得幾多。 由其我媽媽係一個背叛者人渣，成日扮滔滔淨係食一啖。搞到我地戰力大降，妖～ 年年爸爸生日我都會買枝好既紅酒一齊乾左佢，今年我唔記得左啊我係不肖子 :-< 下年一家人生日應該無得一齊過喇，好感觸突然。
04 January Munch 琴日同kinos去左找布同食mum mum。 Munch路經很多次亦久仰大名，曾三度想上門拜訪但三次都起唔到身XD 今次有kino壓力終於可以食到！好開心！超雀躍！ 包，一個字，美式R音HARD。 咬到牙較都軟，不過唔緊要啦，小事啦。我唔會介意！內面其實都SOFT。 但如果不是長條形，things will be better.... 沙律！其實+$25都可以接受，蕃茄我食得出不是行野，比多５分XD 菜都新鮮，所以可以接受。不過如果有Rocket就好(:3 」∠) kinos話一定要羊架，我好少係出面食，因為屋企都成日有同都幾好食。 係出面食次次食次次中伏通常都UN到…UN，但今次OKAY！！ 但個薯蓉就No good，雖然不是開粉但有少少高不成低不就。不是太滑同seasoning不足。 但整體都可以，only if可以熱番少少。 講起mashed potatoes，其實我是expert。 因為有一陣子好L窮，成日買薯仔充飢，所以有關薯仔，我都幾熟手XD 一般食到的Mashed potato其實都夠好食，但我對那個"有d沙"既口感， 同對於放入雪櫃雪凍左其實佢到底係唔係薯仔沙律？！ 依件事有少少介懷，所以試左一星期發明左這個食法。 將薯仔放入Food processor打一陣，再去番個pot到飛番d水份， 加少少牛油同double cream，salt and ground black pepper。就已經好好食。 口感會變得好特別味道會好香濃，但就用時間比較多。 睇你為左食野，可以去到幾盡XD 最後係我欣賞的Pumpkin chicken risotto (menu完全唔係咁寫，我作既） 好食。wonderful！雞肉吃得出花過心思，事前都有聽說雞肉好出色，食到又覺得真係幾出色。 （最後仲有杯咖啡，無影。唔酸但唔好飲，DIU左3聲。） 總括來說我覺得兩個人$27X一個下午，了結左一件心事，食左餐7/10的飯都算worth-going。 有機會會再試食晚餐，係一間有心思的餐廳。
